Eventazo de conexión co ecosistema portugués e novo Xoves Tech á vista

Din que o bo tempo baixa o ritmo, pero no ecosistema emprendedor galego seguimos a todo tren 😉Imos aló! Recibimos o premio Iniciativa Emprendedora do Colexio Profesional de Enxeñaría Informática de Galicia! Un recoñecemento ao impacto real e positivo que ten a asociación no ecosistema emprendedor da nosa comunidade. 

Tamén tivemos un obradoiro de Enxeñería axéntica seria con Alejandro Vidal de Mindmakers na Coruña, que foi un auténtico éxito!

E vai anotando porque temos planazo para o 2 de xullo: OPEN4CoLAB, unha xornada na que colaboramos coa Universidade de Vigo, orientada a conectar o ecosistema emprendedor e innovador Galicia–Norte de Portugal e xerar conversacións reais ao redor do financiamento, o crecemento e o desenvolvemento de proxectos disruptores. Non podes faltar!

Tamén temos axendado xa o seguinte Xoves Tech con Alfonso Gutiérrez de Velneo, pertencente ao grupo tecnolóxico Visual MS, que é moito máis que unha plataforma de desenvolvemento low-code: é unha compañía española que leva décadas axudando a empresas e desenvolvedores a construír software de xestión de forma rápida, sólida e sostible. Rexístrate aquí!

A maxia da comunidade

Grazas a Xoel López e ao equipo de TheirStack por buscar temas interesantes para a comunidade máis tech e axudar a impulsalos! Esta é razón de ser de Startup Galicia: compartir, inspirar e botar unha man. Sodes uns cracks!

As novas máis recentes do ecosistema

• Lanzan en Lugo seis laboratorios para que mozos de Galicia e Portugal creen empresas

• Galicia quere pasar de usar IA sanitaria a creala: nace unha unidade mixta con case dous millóns de financiamento

• Estas son as 14 novas empresas saídas de ViaGalicia

• A tecnolóxica galega Binarial dá o salto á defensa nacional da man de Navantia

• Galicia impulsa unha alianza público-privada para desenvolver fármacos innovadores en cancro e enfermidades inflamatorias

• Alén Space desenvolve as cargas útiles de comunicacións marítimas do compoñente español da Constelación Atlántica

• O capital risco pisa o freo en Galicia pero controla un negocio de case 1.400 millóns

• BF Climatech ou como Galicia transforma ideas en proxectos sólidos, con impacto positivo e capacidade de chegar ao mercado

• Lugo Transforma incorpora unha nova empresa tecnolóxica con presenza internacional

• Vigo pon en marcha startTIC para impulsar 30 proxectos innovadores en IA, 5G e ciberseguridade

• Plexus gana 22 millóns e supera por beneficios a Altia, que lidera as tecnolóxicas galegas por ingresos

• A galega Nowture e a californiana Xeral Inception alíanse para impulsar a creación de startups biotech con vocación global

• Entrevista a Covadonga Toca: "Galicia avanza cara un ecosistema innovador máis maduro, conectado e competitivo"

• Presentado o Informe GEM España 2025-2026

Eventos máis relevantes 

• De developer a Product Engineer na era da IA, 16 de xuño, A Coruña

• Galicia Podcast Summit, 17 de xuño, A Coruña

• A Galicia que vén, 16 e 17 de xuño, A Coruña

• Xoves Tech: Velneo "A empresa que quere durar cen anos” - 17 de xuño, A Coruña

• Presentación da Estratexia de Excelencia da Biotecnoloxía en Galicia 2026-2030, 26 de xuño, Santiago

• OPEN4CoLAB, 2 de xullo, Vigo

• PitchDay da VIII Edición da BFFood, 2 de xullo, Santiago

• II Foro da Innovación e o emprendemento da APD, 10 de xullo, Santiago

• Pont-up Store- 11-12 de setembro, Pontevedra

• nosday - 19 de setembro, Santiago

Startup polo miúdo

O equipo de Cargoffer

Nesta volta imos a escoitar as verbas de Jorge Parada de CTO de Cargoffer. Vai desgranar como están a impulsar o seu SaaS loxístico e o seu novo calculador de roteiros axeitados para camións de mercancía.

E logo... que? [Describe cunha frase a túa startup]

[Cargoffer]: Somos un SaaS loxístico para transporte terrestre, pivotando en Calculador de Roteiros/custos/tempos específico para vehículos voluminosos/pesados.

Outra vaca no millo. [Cal foi o problema que queriades resolver cando lanzáchedes o proxecto?]

[Cargoffer]: As voltas en baleiro dos camións. Aínda que pareza mentira, supoñen o 38% das viaxes dos camiones na estrada.

Malo será que non academos... [Próximos pasos. Que obxectivos tedes?]

[Cargoffer]: Fixemos varias ferramentas e servizos para o transporte terrestre: Bolsa de Carga, eCMR, TMS, pero estamos a enfocar os esforzos en TRANSCEND: un calculador de roteiros/custos/tempos especializado en transporte, para evitar as estradas nas que os vehículos, por dimensións, peso ou tipoloxía de mercancía, non debería circular. Calculando os tempos reais de condución, descanso, e mesturado cun bigData de información para ter que hai preto de onde deben descansar, podendo planificar todos os detalles de cada roteiro. E ademais, predicir potenciais accidentes, atascos ou cortes nas vías, dando alternativas. Todo con tecnoloxía 100% propia; o que nos permite poder incluír as capas de información que necesitemos nos cálculos, variar os parámetros ou axustar as necesidades.

Disfruta da entrevista completa na nosa web

Convocatorias abertas 

En xuño:

• Convocatoria do Programa de Emprendemento Laboratorio e Centro Demostrador de Ciberseguridade en Produtos con Elementos Dixitais da Xunta de Galicia (ata o 30 de xuño)

• CEAMBOOST, (ata o 30 de xuño)

• Stem Talent Girl (ata o 30 de xuño)

Xullo

• Axudas á transformación dixital das pemes (ata o 10 de xullo)

• Premios Galicia Spin-off (ata o 31 de xullo)

Outras convocatorias

• Circula Bio-based Europe: call for project proposals (ata 22 de setembro)

Únete a Startup Galicia!

En Startup Galicia témolo claro: xuntar persoas con ganas de crear é o que fai que todo isto teña sentido. Construímos comunidade, xeramos espazos para compartir ideas, atopar cómplices e deixar que xurdan novos proxectos. Facémolo cada día no Slack, nesta newsletter… e, sobre todo, nos eventos que organizamos 💥

💡 Xa o sabes: cando conectas coa persoa axeitada no momento xusto, todo pode cambiar. Porque ás veces, un máis un é o inicio de algo grande.

Facerte socia ou socio é darnos un empurrón clave para seguir facendo medrar o ecosistema. E, de paso, terás acceso anticipado aos eventos, descontos e algunha sorpresa máis que gardamos para a xente da casa.

O Resumo Semanal - Edición N° 692 - 18 de junio de 2026

Fuente: Newsletter Startup Galicia | 15 de junio